Kryetarja e KQZ-së, Valdete Daka ka hedhur para pak çastesh votën e saj në Fakultetin Teknik të Prishtinës.

Daka tha pas votimit se shpreson që edhe kjo ditë e zgjedhjeve të kaloj njëjtë sikur rrethi i parë i zgjedhjeve lokale, shkruan arbresh.info.

“Sot po e përmbyllim procesin e zgjedhjeve lokale 2017, shpresoj që edhe kjo ditë të kaloj sikur në raundin e parë në frymën demokratike, të lirë dhe fer”, u shpreh Daka.

Ajo ka ftuar qytetarët që të dalin masivisht në zgjedhje, ndërkaq kandidatëve që janë në garë u ka uruar sukses sot.

Daka ka bërë të ditur se KQZ nuk ka raport deri më tani për ndonjë problem në hapjen e qendrave të votimit.

Sot votohet në 19 komuna që kanë shkuar në balotazh nga rrethi i parë i zgjedhjeve.

https://www.facebook.com/arbresh.info/videos/1601905099874576/