Problemet financiare, çështjet intime, pa kuptueshmëria emocionale… të gjitha këto mund të jenë probleme që mund t’i ketë një çift.

Por cilat mund të jenë shkaqet tjera që nuk shkojnë në lidhje e që mund t’i shpien njerëzit deri te ndarja.

Sipas ekspertit të marrëdhënieve, Derek Harvey, vrasës i një martese janë pritjet e paplotësuara, shkruan Independent, përcjellë Klan Kosova.

“Kam parë dhimbje dhe frustrim nga pritjet e paplotësuara qoftë në martesë, qoftë në çfarëdo lidhje tjetër”.

“Është si një helm vdekjeprurës që bën rrëmujë në lidhje”, ka thënë ai.

Ai ka thënë se nuk është sekret se të pasurit pritje të mëdha mund të jetë problematike kur fjala është për romancën.

“Pritjet e paplotësuara janë vrasës i madh i lidhjeve”, ka thënë ai.

Kjo nënkupton se njerëzit hyjnë në martesë dhe pas një kohe që kalon presin që personi tjetër të ndryshojë diçka nga vetja.