Apostolova thirrje votuesve: Votoni njerëzit me duar të pastra

15:10 | 22 Tetor 2017
Arbresh.info

Shefja e Zyrës së BE-së në Kosovë, Nataliya Apostolova ka kërkuar nga qytetarët e Kosovës me të drejtë vote që të dalin në votime dhe të votojnë njerëzit e përgjegjshëm e me duar të pastra.

Këtë deklaratë, Apostolova e ka bërë gjatë vizitës që ka zhvilluar para pak çastesh në shkollën fillore “Dardania” në Prishtinë, shkruan arbresh.info.

“Kjo është një ditë shumë e rëndësishme dhe i thërras qytetarët e Kosovës që të dalin në zgjedhje dhe t’i zgjedhin përfaqësuesit e tyre të cilët do t’i udhëheqin në katër vitet e ardhshme. Po ashtu i thërras votuesit të mendojnë se për kë po votojnë, për cilët kandidatë po votojnë që ata të jenë të përgjegjshëm dhe me duar të pastra”, është shprehur Apostolova./arbresh.info/