Agjencia e OKB-së për Refugjatët i ka kërkuar Australisë të shmangë një “emergjencë humanitare” rreth mbylljes së qendrës së saj të ndalimit në Papua Guinenë e Re.

Australia mban refugjatë dhe azilkërkues që vijnë me anije në ishullin Manus dhe kombit Paqësor të Naurus, transmeton portali arbresh.info

Kanberra ka në plan të mbyllë qendrën Manus deri më 31 tetor, por mbetet ende pasiguri se ku do të shkojnë 900 të burgosurit e saj.

UNHCR tha se ishte “thellësisht e trazuar” nga “rreziqet në rritje” të lidhura me tërheqjen e Australisë.

“Pas krijimit të krizës aktuale, tani për tani braktisja e njerëzve të pambrojtur, do të ishte e paarsyeshme”, tha Thomas Albrecht, përfaqësuesi rajonal i UNHCR-së.

“Ligjërisht dhe moralisht, Australia nuk mund të largohet nga të gjithë ata që ka transferuar me forcë në Papua Guinenë e Re dhe në Nauru”.

Australia nuk i është përgjigjur deklaratës së UNHCR-së, por ka argumentuar vazhdimisht se politika e saj e ndalimit në det të hapur është humane, sepse zvogëlon vdekjet në det./arbresh.info/