Vetullat e formësuara mirë janë ëndërr e çdo femre. Për ta çuar këtë stoli të fytyrës deri në perfeksion, po ju tregojmë trukun e thjeshtë.
Femrat gjithmonë janë në kërkim të produkteve për destinime të shumta, të cilat mund t’ua kursejnë kohën dhe paratë.

Dhe derisa në treg ekzistojnë produkte të shumta për formësimin e vetullave, ne po ju sjellim trukun se si t’i rregulloni dhe t’i formësoni në shtëpi mu sikur të ishit profesioniste.

Spërkatni pak llak për flokë nëpër mollëza të gishtave të mesëm, pastaj me ta kaloni mbi vetulla në drejtimin nga rrënja e hundës drejt këndit të jashtëm. Dhe e gjitha është kjo, transmeton Telegrafi.

Llaku i flokëve do “t’i disiplinojë” qimet dhe do t’i japë dukje natyrale.

Nëse është e nevojshme plotësoni zbrazësitë apo përmirësoni ngjyrën, mbase është më mirë që ta përdorni lapsin tuaj të mirë dhe të sigurt për vetulla.