Kryetarja e Komisionit për Legjislacion Albulena Haxhiu ka ngritur shqetësimin e mosmbajtjes së esencave të Kuvendit të Kosovës edhe pas konstitutimit të legjislaturës së gjashtë.

Këtë shqetësim ajo e ka ngritur gjatë një takimi që Grupi Parlamentar i VV-së ka pasur me shefen e Zyrës së BE-së në Kosovë, Nataliya Apostolova, shkruan arbresh.info.

“Ky është shqetësimi jonë më i madh dhe janë shenja se a do të funksionojë mirë ky Kuvend”, ka thënë ajo.

Sipas saj Qeveria Haradinaj po e shpërfill Kuvendin ndërsa edhe varësia prej votave të Listës Serbe mbetet problem.

“Kur flasim për formimin e ushtrisë Lista Serbe e kundërshton këtë duke e bërë kështu jofunksional shtetin e Kosovës ndërsa e dimë që Kosova ka nevojë për ushtri”, ka shtuar ajo.

E sa i përket drejtësisë ka thënë se Kosova ka shumë probleme.

“Konsideroj që është e rëndësishme të fuqizohet sistemi i drejtësisë”, ka thënë Haxhiu në takimin me Apostolovan.

/arbresh.info/