Ministria e Arsimit: S`është ndërprerë mësimi gjithëditor

23:26 | 6 Tetor 2017
Arbresh.info

Ministria e Arsimit, Shkencës dhe Teknologjisë nuk ka marrë vendim që mësimi gjithëditor të pezullohet në shkolla.

Sipas MASht, ministria po merret me analizën e infrastrukturës shkollore për të parë mundësinë nëse mund të vazhdohet me aplikimin e mësimit tërëditor në të gjitha shkollat e Kosovës.

“MAShT sqaron se: Ministria e Arsimit, Shkencës dhe Teknologjisë nuk ka marrë një vendim të tillë për të ndërprerë mësimin tërëditor në shkollat e kryeqytetit ku është duke u aplikuar. MAShT është duke e bërë një analizë të detajuar të infastrukturës shkollore dhe kushteve në shkolla, për të parë mundësinë nëse mund të vazhdohet me aplikimin e mësimit tërëditor në të gjitha shkollat e Kosovës”, thuhet në reagimin e tyre.