Gjermani po qëndron ‘syhapur’ kundër çdo ndërhyrjeje gjatë orëve të fundit të zgjedhjeve të së dielës.

Ekspertët kanë theksuar se nuk ka shenja që lajmet e rreme do të ndikojnë në rezultatin e zgjedhjeve, të cilat pritet t’i fitojë kancelarja gjermane Angela Merkel, transmeton portali arbresh.info

Vëzhguesit e mediave sociale dhe ekspertët politikë kanë theksuar se është një dallim i madh në raport me zgjedhjet presidenciale të SHBA-ve, ku Rusia u akuzua për ndërhyrjen e saj në zgjedhje.

Lajmet e rreme ose postimet e rreme në mediat sociale nuk kanë pasu ndikim në fushatën e qetë të Gjermanë, thonë zyrtarët e qeverisë dhe ekspertët politikë.

“Në përgjithësi njerëzit nuk ndikohen nga ndërhyrjet kibernetike, sepse kjo taktikë nuk funksionoi në Francë dhe është e lidhur me Rusinë. Një gjë e tillë do t’i lëndontë vetëm ata (Rusinë)” , tha Sergej Lagodinski, një avokat dhe hulumtues në një think tank të lidhur me Partinë e Gjelbër në Berlin.

Gjermania shkon në zgjedhje ditën e diele, 24 shtator. Sipas sondazheve të shumta pritet që Angela Merkel të fitojë edhe mandatin e katërt./arbresh.info/