Presidenti i SHBA-ve, Donald Trump, ka hedhur poshtë çdo mundësi për negociata diplomatike me Korenë Veriore, duke thënë se ‘bisedimet nuk janë përgjigjja e duhur’.

Ai këto komente i bëri një ditë pasi Pheniani lansoi një raketë balistike mbi Japoninë, transmeton portali arbresh.info

“Shtetet e Bashkuara kanë biseduar me Korenë Veriore dhe kanë paguar çmimin për 25 vjet. Bisedimet nuk janë përgjigjja”, shkroi Trump në Twitter.

Shtëpia e Bardhë nuk ka dhënë përgjigjje në lidhje me komentin e Trumpit në mediat sociale, megjithatë kur gazetërt e pyetën sekretarin e mbrojtjes së SHBA-ve, James Mattis, se a janë përjashtuar mundësitë diplomatike, ai ka thënë se ‘jo’.

“Ne nuk përjashtojmë mundësinë e zgjidhjes diplomatike. Ne do të vazhdojmë të punojmë për të siguruar dhe për të mbrojtur interesat e vendin tonë”, tha Mattis.

Kombet e Bashkuara e kanë dënuar ashpër lansimin e raketës së fundit nga Koreja Veriore, duke kërkuar që vendi më i izoluar në botë të ndalë programin e saj të armëve bërthamore./arbresh.info/