Deputeti i PDK-së, Enver Hoxhaj ka kërkuar sërish kohë për PAN-i në vazhdimin e seancës konstituive, duke pranuar se ky koalicion nuk i ka ende numrat për tu votuar kandidatin e saj për kryetar Kuvendi.

Hoxhaj tha se koalicioni PAN nuk i ka numrat mirëpo siç tha, askush tjetër nuk i ka po ashtu numrat, shkruan arbresh.info.

“Ne në këto javët e fundit por edhe sot nuk e kemi pasur shumicën mbi 61 deputetë që ta propozojmë kandidatin, ne kandidatin e kemi, por nuk e kemi shumicën por kur flas se çka është e drejtë dhe çka është e mundshme, e mundshmja po ashtu nuk është në anën e askujt. Prania e koalicionit tonë është konfirmuar me 61 deputët por askush tjetër nuk e ka shumicën tjetër prandaj ne mendojmë që na duhet edhe më shumë kohë që të mundshmen ta ofrojmë drejt asaj se çka është e drejtë. Neve na vyn kohë, edhe më tutje koordinim por jemi shumë të vendosur që Kuvendi të konstituohet”, ka thënë Hoxhaj.

Ai ka kërkuar më shumë se 10 ditë kohë e më pak se dy javë./arbresh.info/