Avokati i njohur Arianit Koci nëpërmjet një statusi në “Facebook” ka thënë se presidenti serb po takohet me përfaqësuesit e Gjykatës Speciale ndërsa përfaqësuesit e organeve relevante të shtetit tonë, nuk e kanë as informacionin më të vogël se çka po ndodh.

“Derisa presidenti serb, Aleksandar Vuqiç, takohet me përfaqësuesit e Gjykatës Speciale, dhe zotohet se do t’ju japë ndihme gjithëpërfshirëse, përfaqësuesit e organeve relevante të shtetit tonë, nuk e kanë as informacionin më të vogël se çka po ndodh, edhe pse formalisht, Gjykata Speciale është pjesë e sistemit gjyqësor të Kosovës”, ka shkruar Koci.

Postimi i plotë:

Derisa presidenti serb, Aleksandar Vučić, takohet me përfaqësuesit e Gjykatës Speciale, dhe zotohet se do t’ju japë ndihme gjithëpërfshirëse, përfaqësuesit e organeve relevante të shtetit tonë, nuk e kanë as informacionin më të vogël se çka po ndodh, edhe pse formalisht, Gjykata Speciale është pjesë e sistemit gjyqësor të Kosovës.

Interesi i jonë është që të hetohet çdo dyshim, për krimet eventuale monstruoze që janë paraqitur në raportin e Dick Martyt.

Por, assesi nuk mund të qëndrojmë duarkryq, kur po e shohim se ata me të cilët luftuam, me këtë rast po mendoj nē mbetjet e regjimit millosheviqian, e jo në popullim serb, po punojnë aktivisht kundër pavarësisë së Kosovës.

Të njëjtit, kanë interes esencial që luftën e UÇK-së ta njollosin sa më shumë.

Prandaj, duhet ti parandalojmë subverzionet informative të organeve të sigurisë të Serbisë.