Dhoma e Ulët e parlamentit rus, Duma, miratoi sot ligjin që ua mundëson ua autoriteteve të bashkisë së Moskës që të shkatërrojnë mijëra ndërtesa banimi, që i përkasin epokës sovjetike.

”Legjislacioni i diskutueshëm, i cili ka nxitur protesta të shumta, u miratua nga 399 deputetë, me vetëm dy kundërshtarë dhe një abstenim”, njoftoi media shtetërore.

Autoritetet e qytetit të Moskës kanë pohuar se blloqet e apartamenteve të ndërtuara gjatë qeverisjes sovjetike të viteve 1950 -1960, janë të rrezikshme për banorët.

Sipas autoriteteve ky ligj do të prekë rreth 1,6 milionë banorë.

Shumë banorë kanë kundërshtuar për të lëvizur nga shtëpitë e tyre .

”Të paktën 10 persona u arrestuan sot gjatë një proteste jashtë ndërtesës së Parlamentit rus”, raportoi media lokale.