Të shtunën, Real Madridi u bë skuadra e parë në UEFA Ligë të Kampionëve që siguroi trofeun e dytë radhazi me një skuadër solide të udhëhequr nga Cristiano Ronaldo.

Ylli portugez kontribuoi me dy gola në fitoren e ‘Los Blancos’ 4 me 1 ndaj Juventuesit duke arritur gjithashtu 600 gola në karrierën e tij si dhe duke u bërë golashënuesi më i mirë në Ligë të Kampionëve në këtë vit me gjithsej 12 gola, transmeton portali arbresh.info.

Fitorja ka krijuar gjithashtu një numër të madh postimesh në rrjete sociale duke uruar Ronaldon dhe skuadrën e tij derisa ka pasur edhe të tillë që kanë shfrytëzuar aftësitë e tyre në Photoshop, por që janë “shpërblyer” nga Ronaldo me një “like”.

Edhe pse qesharake, Cristiano Ronaldo ka pëlqyer një foto montazh ku Lionel Messi është shfaqur në atë mënyrë sikur është duke ia dhuruar Topin e Artë sulmuesit portugez./arbresh.info

Cris liked this pic on insta??? pic.twitter.com/pq5xCzAF8r

— Cristiano Ronaldo (@TeamRonaldo) June 4, 2017