Ali Ahmeti mirëpret dhënien e mandatit për Zaevin

15:04 | 17 Maj 2017
arbresh.info

Lideri i BDI-së, Ali Ahmeti, mirëpret dhënien e mandatit për formimin e qeverisë së re nga presidenti i Maqedonisë, Gjorge Ivanov, liderit të LSDM-së, Zoran Zaev.

Sipas Ahmetit kjo do të jetë Qeveri reformuese në përputhje me Kushtetutën, shkruan arbresh.info.

“Siç edhe thash qysh në fillim, ne do të veprojmë në përputhje me vullnetin e qytetarëve dhe kthim mbrapa nuk ka,” është shprehur Ahmeti.

Rolin në shumicën e re thotë se do ta vënë në shërbim të reformave në përputhje me pritshmëritë e komunitetit ndërkombëtar, marredhënie të mira ndëretnike dhe Marrëveshjen e Ohrit si dhe integrim në NATO dhe në Bashkimin Evropian.

Krahas këtyre ai thotë se do të punojnë bashkë me hapjen e vendeve të reja të punës dhe zhvillimin ekonomik./arbresh.info/