Një aksident i rëndë i ka marrë jetën mbrëmjen e kësaj të shtune një vajze. Burimet e Policise thanë se ishte një automjet që ka përplasur për vdekje një vajzë të re, identiteti i së cilës nuk dihet ende.

Ngjarja ka ndodhur në zonën e “Tregut Elektrik” në Tiranë, rreth orës 22:00.

Mësohet se e reja ka qenë duke kaluar rrugën, kur është përplasur nga makina, shoferi i të cilës është larguar nga vendi i ngjarjes.

Deshmitaret nga vendi i ngjarjes thane per “Panorama” se ambulanca ka mberritur me 30 minuta vonese.

Njoftimi i Policisë:

Më datë 22.04.2017, në rrugën “Mihal Grameno”, tek tregu elektrik, një mjet tip “Audi A 4”, ka përplasur një shtetase rreth 28 vjeçe, dhe është larguar nga vëndi i ngjarjes.

Shtetësja ende e paidentifikuar ka nderruarr jete .

Punohet për gjetjen e automjetit dhe sqarimin e rrethanave të ngjarjes.