Cristiano Ronaldo është i përgatitur për të dhënë më shumë në ndeshjet derbi, të paktën kështu beson trajneri i Real Madridit, Zinedine Zidane.

Ronaldo shënoi hat-trick në ndeshjen e zhvilluar në ‘Vicente Calderon’ ndaj rivalit lokal gjatë muajit nëntor, transmeton portali arbresh.info. 32-vjeçari pushoi në fitoren 4 me 2 të mërkurën ndaj Leganes, por do të rikthehet për ndeshjen e së shtunës.

“Ai e di, ashtu si të gjithë ne, por Cristiano ka më shumë njohuri, ai në ndeshje të mëdha është gjithmonë këtu”, tha Zidane në një konferencë për media para ndeshjes.

“Nuk e di nëse kjo ndodh për shkak se ai është mësuar me këtë, por ambiciet e tij e bëjnë që të luaj në ndeshje të mëdha si çdo lojtar tjetër”

“Për këtë stërvitet. Ai është i gatshëm, por jo vetëm në ndeshje të mëdha, në çdo ndeshje që luan ai dëshiron të shënoj dhe të jetë një lojtar i madh i skuadrës”

“Është shumë pozitive për të gjithë, energjia që ai gjeneron”./arbresh.info