Fushat me presion të lartë të cilat kanë përfshirë vendin tonë do të jenë të qëndrueshme edhe për këto katër ditë të mbetura të kësaj jave, njofton Instituti Hidrometeorologjik i Kosovës.

Në këtë gjendje meteorologjike do të mbajë mot me diell dhe vranësira të dendura të cilat ditën e enjte dhe të premten do të shoqërohen me riga shiu dhe shkarkime rrufesh.

Rigat e shiut vende-vende do të jenë më intensive të përcjella edhe me erëra të cilat vijnë nga ana verilindore dhe veriperëndimore e Kontinentit, shpejtësia e së cilës mund të kaloj mbi 12m/s.

Temperaturat minimale do të lëvizin ndërmjet 9C-11C celsius kurse maksimalet e ditës do të lëvizin ndërmjet 27C -29C celsius.

Fundjava parashihet të mbajë me mot kryesisht me diell dhe temperatura maksimale deri 29C, derisa ato minimalet do të zbresin deri 6C celsius. Do të fryjë erë nga verilindja me shpejtësi 1-5m/s.