Mogherini: Ballkani mund të bëhet fushë shahu për luftë nga fuqitë e mëdha

22:16 | 6 Mars 2017
Arbresh.info

Përfaqësuesja e Lartë e BE-së për Politikë të Jashtme dhe Siguri, Federica Mogherini paralajmëroi sot se “Ballkani lehtë mund të bëhet një fushë shahu për luftë nga fuqitë e mëdha”.

Mogherini duke vlerësuar vizitën e zhvilluar javën e kaluar në Ballkanin Perëndimor, tha se nga vizita është kthyer e shqetësuar, por edhe me shpresë, “sepse ata ishin të sigurt në dëshirën e tyre për t’u bërë pjesë e Bashkimit Evropian”, tha ajo.

Mogherini, në një konferencë shtypi të mbajtur në Bruksel pas takimit të ministrave të jashtëm të vendeve anëtare të BE-së, tha se ministrat i ka informuar për takimet dhe bisedimet e zhvilluara gjatë vizitës në Ballkanin Perëndimor dhe se ata pa mëdyshje kanë të mbështetur mesazhin që ajo përcolli në rajonin e Ballkanit.