Ish-kryeministri francez, Manuel Valls, është shprehur kundër anëtarësimit të Turqisë në BE. Ai këtë koment e ka bërë pasi ka paraqitur programin e tij zgjedhor.

Ai gjithashtu ka theksuar se nëse zgjidhet president i Frances, ai do të mbajë deficitin publik të vendit nën 3% të prodhimit ekonomik dhe ka theksuar se do të mbyllë hendekun e pagave mes burrave dhe grave, transmeton arbresh.info.

Valls është zotuar se do të shtojë ‘një kartë të sekularizmit’ në Kushtetutë për ruajtur ndarjen mes kishes dhe shtetit.

Ai shtoi se do të ruajë 35 orëshin e punës në javë, duke e hedhur poshtë ‘idenë e tij’ të dhënë në vitin 2012 kur tha se do ta largonte atë.

Raundi i parë i zgjedhjeve për kandidatët presidenciale të vendit nga ana e  majtë është më 22 janar, ndërsa debati i parë televiziv pritet të mbahet me 12 janar.

Sipas sondazheve të fundit Valls është në pozitë të mirë./Arbresh.info