Presidenti turk, Recep Tayip Erdogan, përmes një telefonate me presidentin e Rusisë, Vladimir Putin, ka dhënë një përditësim mbi hetimin për vrasjen e ambasadorit rus në Ankara.

Ambasadori rus në Ankara, Andrei Karlov, u qëllua për vdekje të hënën, ndërsa vrasësi para se të shtiente kishte thirrur ‘Allahu Ekber’ dhe “Mos e harroni Aleppon’, transmeton arbresh.info.

Karlov u varros me nderime ushtarake në Moskë.

“Presidenti i Turqisë ka informuar Vladimir Putin për mënyrën se si do të kryen hetimet për vrasjen e ambasadorit rus në Turqi”, thuhet në një deklaratë të lëshuar nga Kremlini.

“Është vërejtur bashkëpunim i ngushtë mes zbatimit të ligjeve të Rusisë dhe Turqisë”, thuhet në deklaratë.

Mbi krizën në Siri, të dy liderët janë shprehur të kënaqur me përfundimin e operacionit në Aleppo./Arbresh.info