Ish-kryeministri Sali Berisha thotë se 24-vjeçari nga Përmeti, Endri Dhimitri vdiq pas dhunës së ushtruar në rajonin e policisë. 

Berisha ka publikuar në mbrëmje mesazhin e një qytetari dixhital, i cili thotë se i riu është bërë i vdekur në polici pas një ngatërrese në një lokal në kryeqytet. Ish-kryeministri i bën thirrje prokurorisë të hetojë me përparësi këtë dëshmi.

STATUSI I BERISHËS

Qytetari dixhital denoncon:

Vdekjen e të riut Endri Dhimitri si vrasje shtetërore në rajonin e policisë! I bëj thirrje prokurorisë së shtetit të hetojë dhe verifikojë me përparësi këtë dëshmi, akuzë të rëndë për vrasjen e një të riu në rajonin e policisë! sb

“Doktor ju përshëndes!

Sapo fola dhe njëherë një personin që ma referoi se Endri Dhimitri është bërë i vdekur në rajon të policisë

Ai më tregoi se i ndjeri është rrahur keq nga policia një natë më parë në rajon për shkak të një ngatërrese në një lokal dhe policia fsheh faktin që e ka marrë dhe rrahur shtazërisht në rajon.

Kjo mund t’i ketë shkaktuar dhe hemorragjinë e fshehtë. Ai kishte ardhur nga Përmeti në Tiranë. Jeton vetëm me babanë e moshuar dhe nuk as motër apo vëlla. Pak njerëz të afërm. Këto janë të dhënat. Çdo të mirë për ju!”