Presidenti i vendit Hashim Thaçi ka uruar në emër të popullit dhe institucioneve të Kosovës zgjedhjen e presidentit të ri amerikan.

Thaçi ka theksuar se duke qenë i vetëdijshëm në rolin udhëheqës të SHBA-ve në arenën ndërkombëtare, ndjehet i bindur se presidenti Donald Trump, me përgjegjësinë më të lartë, do t’i adresojë sfidat e shumta në nivel global.

Po ashtu Thaçi ka përkujtuar që  populli shqiptarë i është mirënjohës përgjithmonë Sekretares Clinton për mbështetjen e saj të vazhdueshme për popullin e Kosovës.

Ky është postimi i plotë:

Në emër të popullit dhe institucioneve të Kosovës i uroj presidentit të zgjedhur amerikan, Donald Trump, fitoren në zgjedhjet presidenciale dhe mandat të suksesshëm në realizimin e prioriteteve të popullit amerikan.

Duke qenë i vetëdijshëm për rolin udhëheqës të Shteteve të Bashkuara të Amerikës në arenën ndërkombëtare, jam i bindur se presidenti i zgjedhur, me përgjegjësinë më të lartë, do t’i adresojë sfidat e shumta në nivel global.

Miqësia e përhershme ndërmjet dy vendeve dhe popujve tanë është bazamenti mbi të cilin do ta vazhdojmë thellimin e bashkëpunimit dypalësh.

Sekretares Clinton i jemi përgjithmonë mirënjohës për mbështetjen e saj të vazhdueshme për popullin dhe shtetin e Kosovës. HTH