Suspendohet nga puna zyrtari i Ministrisë së Shëndetësisë

15:25 | 26 Tetor 2016
M. A.

N.Sh, zyrtar në Ministrinë e Shëndetësisë, është suspenduar nga puna, më datën 20 tetor. Gazeta Express, merr vesh se ky zyrtar ka qenë shef i stacionit shëndetësor në Burgun e Dubravës, mirëpo pas një akuze të ngritur, atij i është ndaluar qasja në vendin e punës.

Lajmin për suspendimin e një zyrtari të Ministrisë së shëndetësisë e ka konfirmuar edhe vet ky institucion.

Sipas MSH’së më datë 20 Tetor 2016, nga Drejtoria e Burgut të Dubravës, kësaj ministrie i është përcjell urdhri nga Gjykata Themelore e Prishtinës që N.Sh’së t’i vendoset masa kufizuese për pozitën që ai mbante në burgun e Dubravës.

“MSH-së-Departamentit të Shëndetëssië në Burgje i është përcjellë një Urdhër për masa kufizuese nga Gjykata Themelore e Prishtinës, e datës 12 Tetor 2016 për një punëtor shëndetësor që punon në atë institucion. Ky urdhër vlen deri në një urdhër tjetër përkatës të kësaj gjykate”, thuhet në përgjigjen e Ministrisë së Shëndetësisë dhënë Gazetës Express.

Ndërkohë që N.Sh do të qëndroj në suspendim me pagesë në bazë të Ligjit të Punës deri në një vendim tjetër të gjykatës.