Dobruna: Bashkimi kombëtar i mundshëm në fushën e ekonomisë (Video)

21:18 | 18 Tetor 2016
M. A.

Ekonomisti Kujtim Dobruna ka folur për mundësinë e bashkimit kombëtar në fushën e ekonomisë, duke krijuar një bursë të përbashkët të kapitalit.

Ai ka thënë se në kohën kur Bashkimi kombëtar është temë aq aktuale pa ndonjë rezultat, ky bashkim, ndërmjet Kosovës e Shqipërisë, duhet të ndodhë duke bashkëpunuar për të zhvilluar ekonomitë e dy vendeve.

“Ne mund të krijojmë një bursë shqiptare së bashku me Shqipërinë, ku mund të tregtohen aksionet e kompanive të Kosovës, Shqipërisë, Maqedonisë dhe te gjitha trevave shqiptare, me seli në Prizren, sepse bursa tregtare është diçka që e posedojnë të gjitha vendet, përfshirë edhe Republikën Srpska”, ka thënë Dobruna në “Komiteti”.

Ai ka shtuar se për rritjen e nivelit ekonomik në këtë bursë tregtare duhet përfshirë edhe të ardhurat nga diaspora, te cilat nuk duhet t’i përdorim për konsum, por si investime.