Tutje ai e ka përmendur bashkëpunimin e pas luftës së Dytë Botëror ndërmjet Francës dhe Gjermanisë si model për tejkalimin e mosmarrëveshjeve ndërmjet shqiptarëve dhe serbëve, transmeton lajmi.net.

Gjatë fjalimit “live” në Facebook, Edi Rama është zënë ngushtë nga një komentues. Marenglen Arapi e ka komplimetuar atë për “qëndrim të duhur për Kosovën”, por më pas ka theksuar se “ndoshta mund te ishte diskutuar më parë me Qeverinë e Prishtinës për rolin që mund të luaj Tirana zyrtare në bisedimet me Beogradin”.

“E them këtë pasi nuk më la shije të mirë replika e ministrit Hoxhaj. Cili është mendimi juaj zoti Edi Rama?”, ka pyetur Arapi atë, transmeton lajmi.net.

Dhe siç ndodh rrallë, Rama i është përgjigjur atij. “Ne nuk flasim në emër të Kosovës, kjo është e drejta dhe detyra e Prishtinës, ne flasim për Kosovën, kjo është detyra dhe e drejta jonë!”, ka qenë përgjigjja e Ramës.

Kryeministri i Shqipërisë është kritikuar ashpër në Kosovë edhe për citimin e Ivo Andriqit në Beograd, kur dihet se ideologjia e tij ka qenë fashiste ndaj shqiptarëve të Kosovës.