Presidenti i Kosovës, Hashim Thaçi, ka takuar kryetarin e Bordit të Trustit Pensional, Ymer Havollin, të cilin e ka përgëzuar për punën, siç tha Thaçi, “të suksesshme dhe profesionale” në Trustin Pensional dhe i ka ofruar përkrahje të parezervë si president i vendit.

“Po dërgoni mesazh të mirë për të gjithë”, ka thënë presidenti Thaçi.

Ndërkaq, kryetari i Bordit të Trustit Pensional, Ymer Havolli, ka thënë se Trusti është një institucion shumë stabil dhe se viti 2016 do të përmbyllet me fitim prej 60 milionë euro për fondin.

“Trusti është institucion stabil. Viti 2016 do të mbyllet me fitim prej 60 milionë euro për fondin”, ka thënë Havolli.

Havollit, Thaçi ia ka rikonfirmuar përkrahjen e tij si President i Kosovës.

“Zyra e Presidentit do t’ju përkrahë gjithnjë”, ka thënë presidenti Thaçi.