Kryesuesi i Delegacionit të Kosovës në bisedimet me Serbinë për Kartonin e Gjelbër, Rrahim Pacolli përmes një postimi në facebook ka kërkuar sqarim nga Byroja Kosovare e Sigurimeve (BKS) në lidhje me shtyrjen e afatit për platformën online për shitjen e policave kufitare.

 Ai ka bërë të ditur se “Në mbledhjen e Këshillit Administrativ të BKS, e cila u mbajt më 11.07.2016, vendosëm që për realizimin e kësaj platforme të zgjedhet një kompani e përgjegjshme dhe profesionale , në mënyrë që të fillojë të implementohet më 20.07.2016”. /Arbresh.info

 Postimi i plotë i Pacollit:

Të nderuar bashkatdhetarë,

Siç jeni të njoftuar, rreth dy javë më parë jam takuar me Kryeparlamentarin Veseli dhe kemi marrë iniciativën për realizimin e platformës online për shitjen e policave kufitare.

Në mbledhjen e Këshillit Administrativ të BKS, e cila u mbajt më 11.07.2016, vendosëm që për realizimin e kësaj platforme të zgjedhet një kompani e përgjegjshme dhe profesionale , në mënyrë që të fillojë të implementohet më 20.07.2016.

Me shumë keqardhje ju njoftoj që, sipas stafit të BKS, kjo platformë nuk do të mund të fillojë implementimin në afatin e paralajmëruar për arsye teknike, por kompania  intenzive për implementimin e platformës në afat sa më të shkurtër kohor.

Në mbledhjen e ardhshme të Këshillit Administrativ e cila pritet të mbahet më 21.07.2016, unë do të kërkoj sqarime se për çfarë arsye nuk është respektuar data e caktuar, gjë për të cilën do të jeni të informuar.

Ju falenderoj paraprakisht për mirëkuptim. Rr.P