Ad Banner
Ad Banner
Ad Banner
Ad Banner

Thaçi i pranoi kredencialet e ambasadorit të ri të Italisë

14:34 | 19 Korrik 2016
M. A.

Presidenti Hashim Thaçi i ka pranuar letrat kredenciale nga ambasadori i ri italian në Kosovë, Piero Cristoforo Sardi.

Presidenti Thaçi i uroi mirëseardhje ambasadorit Sardi, të cilin e përgëzoi për marrjen e detyrës, duke shprehur gatishmërinë për thellimin e marrëdhënieve të mira me Italinë, thuhet në njoftimin për media.

Ambasadori i ri italian në Kosovë, Piero Cristoforo Sardi, presidentin Thaçi e falënderoi për mikpritjen dhe tha se Italia dhe ai do të vazhdojnë ta mbështesin Kosovën në rrugëtimin e saj euroatlantik.

Presidenti Hashim Thaçi e njoftoi ambasadorin Sardi për të arriturat e Kosovës dhe theksoi se institucionet e Kosovës po punojnë për t’i përmbushur obligimet ndërkombëtare, për fqinjësi të mirë dhe për bashkëpunim rajonal.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm