Mëngjesin e sotëm, në bazë të urdhëresës së Gjykatës Themelore, Departamenti i Përgjithshëm në Pejë, është bërë bastisja e shtëpisë, punëtorisë dhe lokaleve përcjellëse të pronarit të mishtores “Apetit” në Pejë.

Në polici i kanë deklaruar Indeksonline se në bastisje kanë marrë pjesë njësiti i AUV-së, njësiti doganor  dhe Administrata Tatimore e Kosovës.

Bastisja është bërë pasi që dyshohet se personi i dyshuar bënë përpunimin e produkteve të mishit në mënyrë jo të rregullt dhe ilegale.

“Në depo dhe punëtorinë e të dyshuarit është gjetur një sasi e madhe e produkteve të mishit të përpunuar dhe të papërpunuar”, kanë deklaruar në polici.

Sipas inspektorëve të AUV-së dhe të Doganës, të dyshuarit do t’i konfiskohen produktet e mishit  pasi nuk i plotëson kushtet për ushtrimin e kësaj veprimtarie dhe prejardhja e mishit është e dyshuar.