Arrestohet në Mitrovicë një person i dyshuar për ‘vrasje në tentativë’

15:51 | 29 Qershor 2016
M. A.

Një ngjarje me elemente të veprës penale ‘vrasje në tentativë’ është iniciuar dhe proceduar në orët e paradites në një fshat të Mitrovicës.

Policia e Kosovës njofton se ngjarja fillimisht ishte raportuar për një person të lënduar, ndërsa njësitë policore me të arritur në vendin e ngjarjes bëjnë të ditur se i lënduar kishte mbetur viktima I. K. 57 vjeçar, të cilit ndihma e parë i ishte dhënë në spitalin rajonal në Mitrovicë, ku më pas është transferuar për në QKUK.

Policia ka identifikuar dhe ka arrestuar personin e dyshuar B. K. 41 vjeçar, ku në vendin e ngjarjes si provë materiale Policia ka konfiskuar një mjet të mprehtë sopatë, me të cilën dyshohet se i dyshuari ka sulmuar viktimën.

Pas procedurave intervistuese me urdhër të prokurorit kompetent të dyshuarit i është caktuar masa e ndalimit policor.