Ish-Presidenti i Kosovës dhe kreu i AKR-së, z. Behgjet Pacolli përmes Facebook-ut i’u është drejtuar Presidentit, Kryeministrit dhe Kryeparlamentarit të Kosovës duke thënë se ku janë ata sot ku në Mitrovicë po vendoset shtatorja, siç e quan ai “e simbolit të dhunës dhe shovinizmit të çetnikëve serb ndaj Shqiptarëve”.

Ai mes tjerash ka thënë se “O pushtetas, a e dini ju se si ndjehen të gjithë njerëzit e Kosovës sot? A e din se si ndjehen familjet e atyre që u vranë e u masakruan nga ata që për frymëzim në kryerjen e krimeve ndaj popullit tonë, e kishin Car Llazar”, shkruan Pacolli. /Arbresh.info

Postimi i plotë:

President, Keyeminister,Kryeparlanentar,

Pse Car Llazari në Mitrovicë?

Sot në Mitrovicë u vendos shtatorja e simbolit të dhunës dhe shovinizmit të çetnikëve serb ndaj Shqiptarëve dhe jo vetëm, pra shtatorja e Car Llazarit. O pushtetas, a e dini ju se si ndjehen të gjithë njerëzit e Kosovës sot? A e din se si ndjehen familjet e atyre që u vranë e u masakruan nga ata që për frymëzim në kryerjen e krimeve ndaj popullit tonë, e kishin Car Llazar.

Ju, pse e lejuat Car Llazarin në Mitrovicë?

Sa servil jeni, Zot runa!

A keni përgjegjêsi e ndjenja?

Ku është politikëbërja dhe diplomacija e juaj që e keni çdo ditë në gojēn e juaj por në fakt vetëm keni degjuar për to.

Njē e di fare mirë;

Ju nuk jeni duke ndertuar shtet por jeni duke shkatërruar Kosovë në çdo aspekt.