Periudha e dasmave – ATK paralajmëron gjoba për këngëtarët

13:55 | 8 Qershor 2016
M. A.

Administrata Tatimore e Kosovës paralajmëron aktivitete sezonale shtesë për kontrollimin e këngëtarëve, për të parë nëse ata paguajnë tatim në fitimet e tyre.

Madje, premtojnë se do i gjobisin ata këngëtarë që ndryshe deklarojnë të hyrat e ndryshe marrin.

Drejtori i ATK-së, Sakip Imeri ka bërë të ditur se do të zhvillojnë aktivitete tashmë në ‘periudhën e vjeljes së të hyrave’, ngase me verën shtohen edhe dasmat dhe ahengjet e ndryshme në vendin tonë, raporton lajmi.net

Ai thotë se do të bëjnë aktivitete në restorante dhe veprimtaritë e ndryshme të tyre, me qëllim të vjeljes së informatave dhe pastaj gërshetimin e tyre me raportimin që e bëjnë këngëtarët.

“Edhe këngëtarët do të gjobiten, sikurse të gjithë ata që janë në kundërshtim me Ligjin”, ka thënë Imeri.