Lideri I AKR-së, z. Behgjet Pacolli gjatë ditës së sotme ka qëndruar në Podujevë me c’rast ka vizituar fabrikën  e përpunimit të drurit “Galanteria” duke u njoftuar për perspektivat e kësaj fabrike.

Ai përmes një statusi në Facebook ka thënë se AKR ka qind për qind perspektivën ekonomike dhe mision kryesor e ka hapjen e vendeve të reja të punës./Arbesh.info

Postimi I plotë:

Në vazhdën e aktiviteteve ditore nëpër Kosovë, sot vizitova fabrikën e përpunimit të drurit “Galanteria” në Podujevë.

Nga pronari ing. Muhamet Ymeri u njoftova nga afer me perspektivën e kësaj fabrike e cila tashmë ishte e orientuar kryesisht në eksport. Kjo vizitë ishte vazhdimësi e vizitës së djeshme në fabrikën “Korenica në Xerxe të Rahovecit.

Nikoqir i imi ishte Mustafë Korenica, i cili më impresionoi me përkushtimin e vet ndaj punës.

Unë fuqishëm po përkushtohem që mbështetjen dhe zhvillimin e bizneseve ta përfshij në strukturën e AKR-së.

AKR ka qind për qind perspektivën ekonomike dhe mision kryesor e ka hapjen e vendeve të reja të punës.