Për herë të parë në Kosovë do të zhvillohet Festivali i Balonave

Oct. 7, 2014 - Albuquerque, New Mexico, U.S. - The skies over balloon fiesta field were filled with hot air balloons at the Albuquerque International Balloon Fiesta.Zuma press/LaPresseOnly Italy

14:49 | 19 Prill 2016
M. A.

Gjatë muajit të ardhshëm, qyteti i Pejës do të jetë nikoqir i Festivalit të Balonave.

Të interesuarit nga vende të ndryshme, mund të bëhen pjesë e organizimit, si lëshues të balonave apo xhitave, ose thjeshtë si shikues i tyre.

Më dy maj, prej orës 16 – 19:00 hapësira në periferi të qytetit, e njohur si “Te Sharra” do të jetë vendi ku do të lëshohen këto fluturake të lehta.

“Adoleshentët e interesuar, mund të marrin pjesë në punëtorinë dyditore, që zhvillohet në Qendrën Rinore “Peja” më 23 dhe 24 prill, ku do të mësohen nga profesionistët, se si punohet një balonë” ka shpjeguar Jeta Nushi, shefe e sektorit për rini.

“Urojmë të kemi mot të mirë dhe të mos frynë erë e fortë, që do të mund të pengonte këtë festival” ka thënë Nushi, duke shtuar se janë bërë të gjitha përgatitjet e duhura.

Gjatë ditës së lëshimit, do të jetë edhe një kënd i destinuar për fëmijët, që do të mësohen të lëshojnë balona, nën përkujdesjen e koordinatorëve.

Fotografitë që do të shkrepen atë ditë, do të ekspozohen në një galeri, që zhvillohet më 11 maj.