Kongresi brazilian do të votojë sot për shkarkimin e presidentes Rousseff

19:54 | 17 Prill 2016
M. A.

Dhoma e ulët e Kongresit do të votojë sot se a do të autorizohet nxjerrja para gjyqit e presidentes braziliane Dilma Rousseff. Trupat policore janë shtuar në qytetet e mëdha, me frikën se atmosfera e hidhur mund të nxisë dhunë.

Rousseff dhe aleatët e saj kanë lobuar intensivisht 11 orët e fundit për të parandaluar shkarkimin e presidentes të parë femër të vendit.

Opozita ka nevojë për 342 vota të Kongresit, ose dy të tretat, për të dërguar Rousseff në gjykim.

Rousseff akuzohet për manovrimin e paligjshëm të shifrave për të maskuar mungesat buxhetore të qeverisë gjatë vitit 2014. Gjithashtu, shumë brazilianë e konsiderojnë atë përgjegjëse për krizën më të keqe të vendit dhe për një skandal korrupsioni masiv me kompaninë shtetërore të naftës Petrobras.