Në mbledhjen e mbajtur sot në Kuvendin Komunal të Prishtinës, kaluan tri pikat e rendit të ditës. Pika e parë ishte  për përcaktimin e komisionit për përzgjedhjen e kryetarëve të Bashkësive lokale e cila kaloi me 31 vota pro 1 kundër dhe 1 abstenim, shkruan arbresh.info

Pika e dyte e rendit të ditës, propozim-vendimi për formimin e grupit punues për plotësimin dhe ndryshimin e Rregullores për bashkësi lokale, kaloi me 33 vota pro, asnjë kundër dhe asnjë abstenim. Në këtë propozim pas shumë debateve u vendos që të përcaktohen nga një kandidat i secilës parti politike dhe si përfundim u zgjodhën këta emra: Ylli Hoxha (VV); Kimete Zeqa (PD); Abetare Fazliu (LB); Lirije Avdiu (PDK); Rita Pacolli (AKR); Remzi Pacolli (AKR); Visar Arifaj (Partia e Fortë), Zijadin Gashi dhe Albulena Ndreca.

Po ashtu gjatë kësaj mbledhje u miratua edhe pika e tret e rendit të ditës e cila ishte për vazhdimin e afatit shtesë për lirimin e hapësirave për AKT-në, e  cila kaloi me 30 vota pro, 1 kundër dhe asnjë abstenim.

Ndërsa, PDK-ja  bojkotoi mbledhjen e sotshme  duke vlerësuar se pikat për të cilat është thirrur mbledhja nuk janë aq urgjente. /Arbresh.Info