Gecaj, Halimi dhe Aliu, Indeksonline merr vesh se do t’i bashkohen Partisë Demokratike të Kosovës.

Indeksonline mëson se të pakënaqurit e Vetëvendosjes janë në negociata me partitë politike në Kosovë, ku përafrim kanë më shumë me PDK-në, që tash është duke udhëhequr Kadri Veseli.

Ajnishahe Halimi nga Fraksion Plus tha se kanë biseduar me të gjitha partitë politike dhe janë duke biseduar. Ajo ka thënë se në çdo parti mund të bashkohen, me përjashtim Vetëvendosje.

“Ne si Fraksion kemi punuar për një vit dhe tash e tutje dhe më herët kemi filluar takime me institucionet shtetërore dhe në vazhdën e këtyre takimeve, kemi pasur takime edhe me udhëheqës institucionesh. Qëllimi i takimeve me udhëheqës institucionesh është që ne jemi përkrah institucioneve legjitime të shtetit sepse kanë dal nga vota e popullit. Ne si Fraksion Plus, kemi biseduar me të gjithë njerëzit që na kanë përkrahur dhe kemi ardhur në përfundim që ne duhet të negociojmë me të gjitha subjektet politike, përjashtim Vetëvendosjen”, tha Halimi për Indeksonline.

Halimi tha se kërkesa për të negociuar ka ardhur nga të gjitha partitë politike, por sipas saj, deri më tani nuk kanë ndonjë përafrim.

“Jemi në vazhdën e negociatave me të gjithë, përjashtim Vetëvendosjes dhe në fund të këtij muaji do t’i njoftojmë të gjithë se ku është pozicionimi i Fraksion Plus. Deri më tash Fraksion Plus nuk ka përafrime me asnjë subjekt politik në Kosovë. Kërkesa për të negociuar me partitë politike, përjashtim Vetëvendosjes, kanë ardhur prej liderëve të partive politike  në Kosovë dhe ne gjithsesi nuk jemi përjashtues ndaj askujt dhe opinioni do ta kuptojë shpejt se cili do të jetë pozicioni i Fraksion Plus”, tha Halimi.