Nikoliq i përgjigjet negativisht Thaçit: Nuk e kam vendin atje

Image: 0188682595, License: Rights managed, Restrictions: ALTERNATIVE CROP, Serbian President Tomislav Nikolic attends a press conference during his visit to Vienna with Austrian President Heinz Fischer on March 27, 2014., Place: AUSTRIA, Model Release: No or not aplicable, Credit line: Profimedia.com, AFP

16:15 | 31 Mars 2016
M. A.

Presidenti në ardhje i Kosovës, Hashim Thaçi deklaroi pak kohë më parë se do të ftonte edhe presidentin serb në ceremoninë e inaugurimit të tij në postin e kreut të shtetit, por Tomislav Nikoliq, e ka refuzuar këtë ftesë, duke theksuar se nuk mund të merrte pjesë në inaugurimin e një kryetari shteti që nuk ekziston.

“Po e shoh se ajo (ftesa) ka arritur në medie, por unë s’e kam vendin atje për shkak se unë jam kryetar i Serbisë”, ka thënë Nikoliq.

Ai ka shtuar se për të shteti i pavarur i Kosovës nuk ekziston dhe se inaugurimi i Thaçit bëhet në kuadër të “institucioneve të përkohshme të Prishtinës dhe sipas Kushtetutës së Kosovës”./Arbresh.info