Me fjalimin e Presidentes Atifete Jahjaga, në Këshillin Kombëtar për të Mbijetuarit e Dhunës Seksuale gjatë luftës, është ndjerë krenar Ambasadori i Amerikës në Kosovë Greg Delawie.

Në profilin tij në rrjetin social Twitter ai shkruan se është krenar që po e uron Presidenten Jahjaga për zërin që po ua jep heroinave dhe përpjekjet që po i bën për t’iu siguruar atyre ndihmën e nevojshme, njofton Klan Kosova.

Gjatë këtij takimi të organizuar nga Jahjaga, ajo ka thënë se Kosova është e përkushtuar për ta luftuar stigmën që ende i rrethon të mbijetuarit e dhunës seksuale gjatë luftës.

Ajo ka thënë se pret nga sistemi i drejtësisë që strategjinë e përpiluar nga këshilli ta jetësojë, për t’iu mundësuar viktimave të dhunës seksuale të kenë qasje në drejtësinë që u takon.

https://twitter.com/AmbDelawie/status/715166835310768129?ref_src=twsrc%5Etfw