Rexhep Selimi i Vetëvendosjes ka folur për zhvillimet brenda opozitës dhe pas shtyrjes së protestës që ishte organizuar për nesër. Ai tregoi shkakun kryesor për shtyrjen e protestës.

“Analiza brenda grupit është që ka ardhur koha për hapin e radhës. Hapi i radhës sipas Vetëvendosjes është që të krijohet një platformë e re politike së bashku me opozitën dhe shoqërinë civile. Për këtë duhet rikonsolidim brenda opozitës së bashkuar, duhet më shumë dakordancë”, ka thënë Selimi në “Interaktiv” të KTV-së, transmeton Koha.net.

Ai ka thënë se Vetëvendosje ka propozuar shtyrjen e protestës, dhe për këtë ka pasur mendim ndryshe, por jo kundërshtim. Selimi gjithashtu theks të veçantë ka vendosur tek ajo që “Vetëvendosje është avangard për hapa të radhës dhe për kundërshtimin e marrëveshjeve”.

“Opozita e ka shtyrë protestës, duke mos hequr dorë nga uniteti përkundër dallimeve që i kemi që nga fillimi”, ka thënë Selimi, duke shtuar se opozita është e bashkuar dhe qëllimin e ka të njëjtë kundër qeverisë, kundër “Zajednicës” dhe demarkacionit me Malin e Zi.

Selimi tha se edhe Pashkët kanë qenë arsye për shtyrjen e protestës.