Të shtunën, më 19 mars 2016, u nda nga jeta Victor Ruffy, ish-Kryetar i Parlamentit Zviceran dhe mik i shqiptarëve.

Ruffy ka qenë kryetari i Parlamentit zviceran në vitin 1992, ndërsa për dhjetë vite me radhë e ka kryesuar delegacionin zviceran pranë Këshillit të Evropës. Për më tepër, Ruffy ka qenë drejtues vite me radhë i Komisionit të Parlamentit të Zvicrës për marrëdhënie me jashtë.

Victor Ruffy rrjedh nga një familje me traditë të madhe politike: gjyshi i tij, me të njëjtin emër, ka qenë President i Zvicrës. Ai ka pasur një lidhje të veçantë me Kosovën dhe Shqipërinë, raporton Koha.net.

Ruffy ishte edhe kryesues i vëzhguesve të zgjedhjeve të para demokratike në Kosovë dhe në Shqipëri. Ai ishte nismëtari i parë në Parlamentin e Zvicrës për njohjen e Kosovës shtet i pavarur në vitin 1994.

Ruffy ishte edhe themelues i EUROBIBUS­it (Fondacion kulturor i bashkëpunimit me Shqipërinë).

Victor Ruffy është shpallur Qytetar Nderi i Fushë­Krujës. Ndërkaq ishte një nga themeluesit e Institutit Zviceran të Studimeve Shqiptare, ISEAL.