Si duket askujt nuk po i intereson më posti i rektorit. Javën e kaluar Universiteti i Prishtinës “Hasan Prishtina” ka hapur konkursin për rektor në UP, mirëpo edhe pse kanë kaluar plotë shtatë ditë askush nuk ka aplikuar për këtë vend.

Burimet e Gazetës Express brenda rektoratit thonë se askush nuk ka aplikuar deri më tani.

“Deri më tani nuk ka aplikuar askush, nuk e di se cilat janë arsyet. Sidoqoftë ne shqiptarët e kemi zakon që punët t`i lëmë deri në ditën e fundit, kështu që ndoshta do të aplikojnë ditëve të fundit” tha burimi i Gazetës Express brenda rektoratit.

Konkursi për rektor mbetet i hapur deri më 01.03.2016.

Rikujtojmë se rektori Ramadan Zejnullahu javën e kaluar ka dhënë dorëheqje nga posti i tij, duke mos mbetur askush si ushtrues detyre.