Një person është plagosur mbrëmë në rrugën “Ali Sokoli” në Prishtinë, pas të shtënave me armë zjarri.

Sipas Policisë së Kosovës, informata për të shtëna është pranuar rreth orës 21:40, ndërsa njësitet policore kanë dalë menjëherë në vendin e ngjarjes.

“Rreth orës 21:40 kemi marrë informatën për të shtëna me armë zjarri në rrugën ‘Ali Sokoli’ në Prishtinë. Njësitet policore menjëherë kanë dalë në vendin e ngjarjes, ku është raportuar se një person është plagosur. Personi i plagosur, mashkull, është dërguar për trajtim mjekësor, ndërkohë që policia ka nisur hetimet lidhur me rrethanat e rastit”, ka deklaruar zëdhënësi i Policisë në rajonin e Prishtinës, Enis Pllana.

I plagosuri është dërguar për trajtim në Qendrën Klinike Universitare të Kosovës (QKUK), ku është futur në repartin e Mjekimit Intensiv.

Shefi i Mjekimit Intensiv, Shaqir Uka, ka bërë të ditur se pacientit i është kryer intervenim kirurgjik dhe se gjendja e tij mbetet e rëndë.

“Po është kryer një intervenik kirurgjik. Pacienti po vazhdon të marrë trajtimin mjekësor në njësinë e mjekimit intensiv. Gjendja e përgjithshme e pacientit është e rëndë. Ai vazhdon të qëndrojë i fjetur me barna, i kyçur për aparatura mjekësore dhe i varur nga aparaturat”, ka thënë ai./Arbfresh.info

https://www.arbresh.info/lajmet/1ky-eshte-personi-qe-u-plagos-rende-sonte-ne-prishtine/

https://www.arbresh.info/lajmet/plagoset-me-arme-zjarri-nje-person-ne-prishtine-policia-jep-detaje/