Ushtruesja e Detyrës së Presidentes, Albulena Haxhiu pranoi sot detyrën nga ish-presidentja e vendit, Vjosa Osmani.

Zyra e Presidentes ka njoftuar se aktiviteti i saj i parë në detyrë do të jetë nesër në ora 10:00, aty ku do të bëjë homazhe në Rezallë.

Nesër shënohet përvjetori i 26-të i masakrës së Rezallës në Skenderaj.

Forcat serbe më 5 prill 1999 ekzekutuan 98 shqiptarë, banorë të Rezallës dhe fshatrave përreth. Nga kjo masakër shpëtuan vetëm tre persona.

Osmani ia dorëzoi Haxhiut detyrën të shtunën pasdite në një ceremoni në zyrën e saj në Presidencë.

Haxhiu pas marrjes së detyrës ka thënë se Kuvendi i Republikës së Kosovës do të vijojë procedurën kushtetuese për zgjedhjen e Presidentit të ri brenda afateve kushtetuese.

Deri në përmbyllje të këtij procesi, Haxhiu ka thënë se, do ta ushtroj këtë detyrë në respekt të plotë të Kushtetutës, ligjit dhe interesit publik.