Ad Banner
Ad Banner
Ad Banner
Ad Banner

Reshje të dendura bore në veri të Shqipërisë, autoritetet bëjnë thirrje për kujdes

21:31 | 14 Shkurt 2026
Q L

Në zonën e Qafë Thore vijojnë reshjet e dëborës me intensitet të lartë, duke krijuar vështirësi në qarkullim.

Aktualisht në terren po punojnë njëkohësisht dy borëpastruese për mbajtjen e rrugës të hapur dhe të kalueshme. Sipas autoriteteve, momentalisht qarkullimi vijon pa probleme, por situata mbetet dinamike.

Parashikimet e motit tregojnë se reshjet do të vazhdojnë me intensitet gjatë gjithë natës, çka mund të sjellë vështirësi si për qarkullimin e mjeteve, ashtu edhe për punën e borëpastrueseve.

Grupet e punës dhe mjetet janë në terren dhe po monitorojnë situatën. Autoritetet u bëjnë thirrje drejtuesve të mjeteve të tregojnë kujdes maksimal, të pajisen me zinxhirë gjatë lëvizjes në këtë aks dhe të ndjekin udhëzimet e dhëna në terren.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm