Një kosovar, që dyshohet se ishte ideatori i grabitjeve të stacioneve të zjarrfikësve dhe një banke në Austri – ku u vodhën më shumë se 90 mijë euro është dënuar me tre vjet e gjysmë burgim.

Çështja për të cilën ishte akuzuar ai dhe tre bashkëpunëtorët e tij përfshin vjedhje me thyerje në stacione të ndryshme zjarrfikësish në Burgenlandin verior,

Atje kishin vjedhur mjete për të hapur një bankomat, siç deklaruan unanimisht bashkëpunëtorët në dëshminë e tyre: “Ishte e gjitha ideja e tij” , shkruan albinfo.at.

Vitin e kaluar, katërshja kishte shkuar në Draßburg. Atje ata kishin tërhequr 91,000 euro nga bankomati i PSK-së. Pasi ikën me një ndjekje me shpejtësi të lartë prej 180 km/orë, policia arriti t`i merrte 33,960 euro dhe t’i kthente ato në bankë.

Grabitësit e kishin ndarë pjesën tjetër të parave midis tyre.