Njësia për Hetimin e Trafikimit me Narkotik (DHTN) – Ferizaj, njofton se në koordinim me prokurorinë dhe në bashkëpunim me zyrtarë nga AKI, ka realizuar operacionin policor të emërtuar “Kulla”, duke arrestuar katër të dyshuar për përfshirje në trafikimin e lëndëve narkotike.

Operacioni u zhvillua më 12 dhjetor 2025, pas një hetimi disa mujor, dhe gjatë tij hetuesve u ofrua mbështetje nga njësitë tjera policore nga DHTN Prishtinë, NjSI dhe njësitë mbështetëse.

Të arrestuarit janë:A.L., mashkull, shtetas i Shqipërisë, 1973, M.B., mashkull, shtetas i Shqipërisë, 1971, A.B., mashkull, kosovar, 1997, A.B., mashkull, kosovar, 1993.

Dy të dyshuar të tjerë nuk janë kapur dhe ndodhen në arrati.

Gjatë operacionit, Policia ka konfiskuar:

Substancë që dyshohet të jetë kokainë me peshë totale 4,620.4 gramë, e ndarë në katër paketime, me vlerë tregu rreth 140,000 euro,

Një pistoletë me 14 fishekë,

Dy telefona celular,

Para (euro, lekë dhe dollarë kanadez),

Dy automjete dhe një motor katër-rrotësh.

Bëhet e ditur se të dyshuarit, pas intervistimit, me aktvendim të prokurorisë janë dërguar në mbajtje për 48 orë, ndërsa hetimet për zbardhjen e plotë të rastit vazhdojnë.