Përgjatë ditës së dielë, mbetet mot kryesisht me vransira.

Herë herë mund të shoqërohen me ndonjë rigë lokale shiu.

Temperaturat zbresin në 7C e 8C, ato maksimale, e minimalet deri në 3C. Ditën e hënë vransirat gradualisht shpërndahen, e shfaqen hapësira për intervale me diell. Nga dita e martë po parashihet të mbretërojnë kushte të motit më stabil, me më shumë diell. Megjithëse ultësirave orëve të mëngjesit formohet shtresë mjegulle, që mund të qëndrojë më gjatë deri nga mesdita. Temperaturat me një tendencë të rritjes deri në 12C, ato maksimale, ndërsa minimalet zbresin deri në 0C e -1C. Këto vlera maksimale, mund të mbeten më të ulëta, në pjesët e mbuluara me mjegull, duke shkuar deri në 3C e 5C. Erërat qetësohen nga fillimi i javës së ardhshme. Orëve të pasdites mund të fryjë erë e lehtë drejtimesh të ndryshme.