ryetari i Komunës së Shtimes, Qemajl Aliu, ka dhënë sot betimin për mandatin e tij të dytë në krye të komunës, në një ceremoni ku ai u shpreh thellësisht mirënjohës për besimin e qytetarëve.

Në fjalimin e tij pas betimit, Aliu theksoi se besimi i dhënë nga qytetarët është një amanet i shenjtë që do ta mbajë me nder dhe përgjegjësi të plotë.

“Besimi që më dhatë për këtë mandat të dytë është amanet që do ta mbaj e ruaj me nderin më të madh. Vizioni ynë për transformim të Shtimes është aspirata jonë që do të vazhdojmë ta realizojmë me patjetër. Busulla e çdo veprimi nga ana jonë do të jetë kujtesa e sakrificës së dëshmorëve, martirëve dhe veprimtarëve të kauzës kombëtare. Unë zotohem që çdo vendim do të bëhet me fokus për të ardhmen e brezave që do të vijnë, për ta përmirësuar perspektivën dhe për t’i zgjeruar mundësitë për rininë tonë. Ne jemi Komunë e vogël, por me njerëz të mëdhenj e zemërbardhë, punëtorë dhe fisnikë, që i kanë dalur zot luftës dhe tani edhe paqes”, tha ai./arbresh.info