Darwin Núñez u transferua gjatë afatit të verës nga Liverpool te Al-Hilal për 53 milionë euro bashkë me bonuset, por aventura e tij në Arabinë Saudite mund të përfundojë shumë më herët sesa pritej.

Sipas mediave braziliane, përfshirë “Globo”, Núñez është tejet i pakënaqur me situatën aktuale te Al-Hilal dhe tashmë ka shprehur hapur dëshirën për t’u larguar “sa më shpejt që të jetë e mundur”.

Burime pranë lojtarit raportojnë se sulmuesi nuk është aspak i kënaqur me nivelin e ligës saudite dhe beson se kjo po e dëmton formën e tij.

Madje, një ndër arsyet kryesore që e shtyn të kërkojë largimin është edhe frika se situata aktuale mund t’i rrezikojë ftesën për Kupën e Botës 2026 nga selektori i Uruguait, Marcelo Bielsa.

Aktualisht, skuadra e vetme që ka paraqitur ofertë zyrtare për Núñez është ish-klubi i tij, River Plate. Megjithatë, prioriteti i sulmuesit mbetet një rikthim në Evropë, ku beson se mund të rikthejë formën dhe ritmin konkurrues.

Në të kaluarën Nunez është paraqitur me Liverpoolin, Benfican, Almerian e Penarolin./Arbresh.info